Psa 123 | HUI | STEP | Anduane Homogo-o í̠ni dahuliya andaga haru kegoha i̱na handa daga halu í̠hondo bi lalu kogoni.

a 123.1Iba 121.1

b 123.2Iba 25.15, Mal 1.6

Psalms 123

Anduane Homogohanda dara howa biamogo bilonaga bi lenego ogo

1 Anduane Homogo-o í̠ni dahuliya andaga haru kegoha ^a
i̱na handa daga halu í̠hondo bi lalu kogoni.
2 Biabe biahaga agali kagome ibunaga anduane kagoha mini hana ho hagadaguabi ^b
biabe biahaga wali bedagome ibunaga anduane bedagoha mini hanaho biragadaguabi
Anduane Homogo inanaga Ngode Datagaliwabe-o
í̠na dara howa biamogo bibelo ina í̠ha hanaho holeberema.

3 Anduane Homogo-o ina de hondowa dara habe.
Wali agali bu karume ina mo ko hayago
ai í̠na daraore howa biamogo bibe.
4 Agali homogo mbirale dewawi hearume
ina mege bialu haabo haya.
Agali mine haga hearume
ina bope halu haabo haga kagoni.